LLAÇ HIDROIZOLUES IZOTRATE

LLAÇ HIDROIZOLUES IZOTRATE

LLAÇ HIDROIZOLUES IZOTRATE Është llaç me bazë çimento i cili aplikohet me furçë. Ai përmban kimikate aktive, të cilët kur bien në kontakt me lagështinë dhe hidroksidin e gëlqeres hyjnë një reaksion duke formuar kristale të patretshme. Këto kristale bllokojnë kapilarët dhe plasaritjet e shkaktuara në brendësi nga tkurrjet dhe bymimet e betonit, duke parandaluar kështu absorbimin e mëtejshëm të ujit. IZOTRATE ofron një sërë avantazhesh, ndër të cilat përmendim:

• Qëndron në mënyrë të përhershme aktiv duke mbrojtur në mënyrë permanente konstruksionin nga prania e ujit.
• Lidhet në perfeksion me betonin duke i dhënë cilësitë e dëshiruara.
• Është në gjëndje të mbyllë plasaritje deri në 400 mikron, edhe nëse ato shfaqen mbas aplikimit.
• Në rastet e dëmtimit të sipërfaqes së betonit apo të shtresës hidroizoluese nuk kemi ndikim në hidroizolimin e konstruksionit.
• Mbron konstruksionet e përforcuara me çelik nga korrodimi.
• Përdoret për hidroizolimin e depozitave të ujit ose të sipërfaqeve që janë një kontakt të drejtpërdrejtë me ujin.
• Nuk ndikon në proçeset kimike të elementëve të tjerë që ndodhen në beton.
• Përdoret lehtësisht dhe me kosto të ulët.
• Ky produkt është klasifikuar si një shtresë për mbrojtjen e betonit.

FUSHA E APLIKIMIT

Hidroizolimi i sipërfaqeve të betonit në rastet kur kemi praninë e lagështisë dhe në rastet kur kemi trysni uji. IZOTRATE është i përshtatshëm për hidroizolimin e bodrumeve, pusetave, depozitave të ujërave të zeza si dhe kryesisht të themeleve.

PËRGATITJA E SUPORTIT

Suporti duhet të jetë i pastruar, pa praninë e pluhurave dhe shtresave të vajrave. Për sipërfaqe shumë të lëmuara është e nevojshme paratrajtimi me ujë me presion për ashpërsim. Në vëndet ku kemi praninë e rrjedhjes së ujit duhet të bëhet fillimisht izolimi i tij. Në rastet kur kemi plasaritje të dukshme në sipërfaqen e betonit, fillimisht duhet të bëhet mbyllja e tij dhe të pastrohet sipërfaqja. Nëse sipërfaqja ku aplikohet ka copa telash të dalë, ato duhet të priten nga 2 deri në 4 cm thellësi dhe pasi vrima e krijuar të mbyllet aplikohet produkti.

APLIKIMI

IZOTRATE shtohet gradualisht në sasinë e kërkuar të ujit nën një përzierje të vazhdueshme derisa të formohet një masë viskoze e përshtatshme për tu aplikuar me furçë. Sipërfaqja ku do të aplikohet duhet të jetë pak e lagur por nuk duhet të ketë sasi uji të ndenjur. Produkti duhet të aplikohet në dy shtresa të cilat nuk duhet të jenë më shumë se 1 mm të trasha për të shmangur plasaritjet e mundshme. Shtresa e dytë aplikohet për aq kohë sa shtresa e parë është akoma e njomë. Në rastet kur shtresa e parë është tharë plotësisht duhet të bëhet lagia e sipërfaqes me ujë para aplikimit të shtresës tjetër. Gjithashtu, pas mbarimit të aplikimit, sipërfaqja duhet të spërkatet me ujë për 2 – 3 ditët në vazhdim në mënyrë që shtresa hidroizoluese të mbetet pak e njomë duke i përforcuar vetitë gradualisht. Lagia e sipërfaqes duhet të bëhet gradualisht pas momentit që IZOTRATE ka filluar të forcohet. Kjo bëhet në mënyrë që të shmangen dëmtimet. Zakonisht sipërfaqja duhet të spërkatet 2 – 3 herë me ujë në ditë. Sipërfaqja përfundimtare duhet të mbrohet nga shiu dhe ngrica.

Njihuni me produktet tona DAST

Media Sociale FACEBOOK INSTAGRAM