STUKO PËR MBUSHJEN E FUGAVE

STUKO PËR MBUSHJEN E FUGAVE

STUKO PËR MBUSHJEN E FUGAVE FUGACOLOR
Stuko për mbushjen e fugave me bazë çimento me granulometri të seleksionuar dhe me një qëndrueshmëri të lartë ndaj ujit, shërben për mbushjen e fugave nga 0 – 8 mm.

KARAKTERISTIKAT TEKNIKE

• Është material në formë pluhuri me bazë çimento,me pluhur guri natyral me granulometri të seleksionuar, rezina sintetike, adetivë hidrofobikë dhe pigmente ngjyrues.
• Punueshmëri dhe hapje mjaft e mirë.
• Pastrohet lehtësisht.
• Në përfundim jep një sipërfaqe të lëmuar.
• I papërshkueshëm nga uji.
• Rezistencë të lartë kundrejt bazave (alkaleve) dhe detergjentëve.
• Rezistente ndaj gërryerjes (korrozionit)
• Rezistente ndaj rrezatimit UV.
• Parandalon proçesin e efloreshencës.
• Sipas klasifikimit të EN 13888 i përket kategorisë CG2.

FUSHA E PËRDORIMIT

Fugacolor 0 – 8 mm përdoret për stukimin e fugave midis pllakave prej qeramike poroze, monocotto, bicotto, gres porcelan dhe gur natyral me
hapësirë 0 – 8 mm. Për stukimin e dyshemeve dhe veshjeve të jashtme, kur kërkohet një rritje e papërshkrueshmërisë, elasticitetit dhe forcës mekanike, për sipërfaqe me vibrim, për sipërfaqe me bymim dhe tkurrje (tarraca, dysheme me ngrohje, pishina, shatërvane etj) stuko Fugacolor
duhet përforcuar me 500 gr adetiv DW 17 të holluar me 700 – 1000 ml ujë për një qese Fugacolor 5 Kg.

MËNYRA E PËRGATITJES

Përziejmë 5 Kg Fugacolor me 1 – 1.5 l ujë të pastër me anën e një përzierësi elektrik me xhiro të ngadalta, e përziejmë derisa të përfitohet një masë homogjene. Më pas përzierja e homogjenizuar lihet në qetësi për 10 min. Përpara përdorimit këshillohet që tretësira të përzihet përsëri. Kur duhet të bëjmë përforcimin e Fugacolor me adetivin DW 17 përpara, hollojmë 500 gr DW 17 në një enë me 700 – 1000 ml. ujë dhe më pas zbrazim ngadalë pluhurin e Fugacolor të cilin e përziejmë në të njëjtën mënyrë më lart.

MËNYRA E APLIKIMIT

Fugacolor 0 – 8 mm hapësirat midis pllakave mbushen lehtësisht duke përdorur një mallë prej gome. Heqja e masës së mbetur duhet të bëhet me një sfungjer të lagësht në momentin kur Fugacolor të ketë arritur qëndrueshmërinë, konsistencën e kërkuar (konsistencë kjo që arrihet për rreth 20 minuta mbas aplikimit të Fugacolor). Pastrimi përfundimtar i pllakave bëhet me një copë të thatë. Pastrimi përfundimtar mund të bëhet edhe mbas një dite kur materiali është forcuar, në këtë rast zgjidhet një copë e përshtashme për pastrim.

Njihuni me produktet tona DAST

Media Sociale FACEBOOK INSTAGRAM